عيب عليكم يا أردنيين

شفت فيديو على موقع حبر خلاني عصبت ونرفزت بطريقه مش طبيعيه. شفت رجال أردنيين كنت مفكر انه عاداتهم من عاداتي وتقاليدهم من تقاليدي. بس لما حكوا فتحت ثمي لأنه هاذا اللي بصيرعادة لما تسمع أو تشوف شيء صعب تصديقه. كيف رجال من أبناء بلدي بسمحوا لحالهم ينزلوا لمستوى من الوقاحه بهذا الشكل؟ الفيديو فيه مسبات مخزيه لأقصى درجه.ـ

في أمريكا في غرف تغيير الملابس بصالات الألعاب الرجال بشلحوا قدام بعض زق لأنه ما في اشي عيب عندهم. ولما أقول زق يعني كما ولدتهم أمهاتهم.  الواحد فيهم بشلح ملط وبمشي يتمختر لغرف الشّور بدون ما يستر عورته ببشكير. حتى بعض غرف الشور بتكون عباره عن غرفه كبير مفتوحه وفيها دوشات بس، لا أبواب ولا ستائر. هم هيك تربوا وتعودوا. مع ذلك ما سمعت حد فيهم بسب بشكل بذيئ وبالطريقه الجماعيه المخزيه زي ما عملوا رجال بلدي اللي الواحد فيهم عنده شنب كثافة الشعر فيه اكثر من شعر راسي ويمكن يذبح أخته اذا شافها طلعت من البيت بدون إشار (حجاب). وين المرؤه ووين الرجوله لما الواحد يسب مسبات الواحد بستحي يسمعها مش يحكيها بس مع العلم انهم كانوا عارفين انه في نساء بالمكان.ـ

حتى أنه موقع حبر اضطر شاكرا ان يضع تنويها (تنويه: يحتوي الفيديو التالي على هتافات خادشة للحياء) من قسوة الشتائم الجارحه. وحتى يخربوها بزياده احتفلوا لما الناس اللي حابه تطالب بالاصلاح ما قدرت تتصدى للحجاره اللي نازله على روسها وتتحمل تسمع مسبات وقحه زي هاي ولما عرفوا انه الواحد يمكن يموت اذا قال رأيه. حتى احتفالهم كان مخزي وكأنهم انتصروا في حرب على اعداء الوطن.ـ

أنا عارف انه في ناس ما حبت كلامي في المدرجه السابقه انه الديمقراطيه بكير عليها.  كيف بتتوقعوا من الأردنيين انهم ينتخبوا الرجل المناسب لاصلاح الوطن؟ ما دام انا ببنظر للشخص انه اردني او فلسطيني، اخوان او مش اخوان، شمالي او جنوبي  مش اردني وبس معناته في عنا مشكله. أنا ما بقول لازم نحل مشكلة العنصريه اللي موجوده عند بعض الناس قبل ما نقدر ننتخب هذا مش قصدي. انا بقول انه لازم نحل مشكلة عويصه جدا في مجتمعنا وهي تقبل الرأي الآخر دون استخدام العنف. هذا رأي وقد أكون مخطيء فيه واذا كان رأيك غير هيك اوعدك اني مش راح أراجد (تعني رمي بلغة اهل اربد) عليك حجار او اسب عليك او أطاوش معاك.ـ

كتبت بالعاميه لأني منرفز ومعصب. شيء مؤسف ومخجل جدا ما حدث في تاريخ 25 مارس (آذار).ـ

نسأل الله أن يديم علينا نعمة الأمن والأمان وأن يوحد قلوبنا الى ما فيه خير

Advertisements

12 thoughts on “عيب عليكم يا أردنيين

  1. بشاركك الإحساس يا مالك
    قبل عدة أيام ، استخدم أحد الصحفيين كلاما مثل هذا نقلا عن أبناء شوارع بعيد عنك. فاختلفت معه بأنه مش من عوايدنا ولا تربايتنا إنه ننقل مثل هيك حكي، حتى لو كان في ببلدنا فئة قليلة جدا ما بتستحي، فالأغلبية فينا تربت على الحياء الجميل. الرجال لازالوا مؤدبي ولازالت نسائنا من أكثر نساء العالم وقارا بأدبهن.

    وفعلا مش عارفة كيف وقفت الشرطة علة جنب تتفرج إذا كان في في قانوننا شيء اسمه فعل خادش للحياء، والقول هنا فعل يجب أن يعاقب عليه القانون.

    لكن شو نحكي أخي مالك..يعني هم هدول الزعران اللي أجو يسبوا على المعتصمين من وين أجو يعني؟

    ولا بمثلونا في أي شي…ولا هم بيعكسوا تربايتنا وترباية رجالنا. مهما حملوا أعلامنا وصور ملكنا، إحنا أبرياء من هيك قلة أدب

    1. كانت صدمه بالنسبه الي لما سمعت هالكلام. زي ما ذكرت الحياء شيء جميل. للأسف فقد من هذه المجموعه التي لا تمثل مجتمعنا المحافظ

  2. While I agree that the actions of the “anti-reform” demonstrators are heinous, especially the violence and vulgarities. However, in all fairness, vulgarism is common in Jordan. People swear and call names all the time. Saying that this is far from our culture is simply misrepresentation. We do it all the time!!

    I cannot count how many times I hear people saying “ku_ o5tak”, “a50 el-man____”, and many other vulgarities in the everyday life.

    I agree with your point of view, I am just trying to keep it honest, and not distort the facts just to make a point.

    1. I understand your point that cursing in common in Jordan. Unfortunately, both violence and vulgarities exit in our daily life in Jordan. Still, cursing in the video was very offensive and I wish they didn’t do that of course beside the other bad things they did.
      p.s., I had to censor these two words you wrote. I don’t know who reads my blog.
      Thanks for your comment.

  3. والله يا جراد بتكتشف انو كل الناس في بلدنا تقريب خايفين من بعض وواقفين للثانين على دقره
    يعني برأيك كل اللي عم بينزرع بروس الشباب من حكي فاضي وتخبيص وين بدو يروح بالآخر؟
    كل إناء بما فيه ينضح يا قرابه
    وهاي تعليق بالعامية كرمال أهل اربد 🙂

    1. يعني اذا كل واحد واقف للثاني على الدقره وبستنى نكشه عمره ما القلوب راح تصفى وبالتالي صعب انه نتقدم. زمان ما سمعت كلمة قرابه :)ـ شكرا إلك وأهلا بأهل اربد

  4. بعمري ما سمعت ولا قرأت كم هالمسبات مثل هاليومين…جد اشي يندى له الجبين

    وهالفئه مع انها قليله بس منتشره بكل المواقع ونازله تعليقات بابشع الالفاظ و مهاجمه عالعالم بدون وعي ولا تفكير, قناعات غريبة مزروعه بروسهم و ما بسمعو غير اصوات هالفتنه و العنصريه الغبيه اللي بتمشيهم

    ربنا يهديهم و يصلح الاحوال عن قريب لان ما حد بحب اي شي يصيب الاردن ولا الاردنيين

    1. هيثم
      نعم كانت صدمه للجميع.ـ

      ويسبر
      انا عادة ما بقرأ التعليقات على الأنترنت لأن الشعب العربي عموما شيء مخزي لما يعبر عن حاله. مجرد قراءة التعليقات على العربيه او يوتيوب مثلا بتعطيك انطباع عن حال المجتمع العربي. ـ
      العنصريه مش شيء جديد على المجتمع الأردني ومش شيء ممكن نتخلص منه تماما. في امريكا العنصريه ما زالت موجوده بس على الأقل في قانون ضدها. واللي يثبت عليه ممارسته للعنصريه يحاسب.ـ
      بدون ما جميع الأطراف في الأردن تتعاون مع بعضها الحال مش راح يصلح.ـ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s